លោកចូបៃដិននិយាយថា ៩០ ភាគរយ នៃពលរដ្ឋអាមេរិកពេញវ័យ នឹងមានសិទ្ធិទទួលការចាក់វ៉ាក់សាំងបង្ការជំងឺCovid-19ក្នុងរយៈពេល៣សប្តាហ៍
អាមេរិក ៖ ប្រធានាធិបតីអាមេរិក លោក ចូបៃដិន នៅថ្ងៃចន្ទនេះប្រកាសថា៩០ភាគរយ នៃប្រជាជនអាមេរិកពេញវ័យ នឹងមានសិទ្ធិទទួលបាននូវការចាក់វ៉ាក់សាំងបង្ការជំងឺCovid-19នៅក្នុងរយៈពេល៣សប្តាហ៍នេះ។
លោក ចូបៃដិន បានថ្លែងនៅឯសេតវិមានថា ស្របពេលដែល៩០ភាគរយនៃពលរដ្ឋអាមេរិកពេញវ័យនឹងមានសិទ្ធិទទួលបាននូវការចាក់វ៉ាក់សាំងបង្ការជំងឺCovid-19 ដោយចាប់ពីថ្ងៃទី១៩ ខែមេសា ខាងមុខនោះ នៅសល់១០ភាគរយទៀតនឹងមានសិទ្ធិទទួលការចាក់វ៉ាក់សាំងដោយចាប់ពីថ្ងៃទី ១ ខែឧសភា ឆ្នាំ២០២១ ។
លោក បៃដិន បានសង្កត់ធ្ងន់ថា ករណីឆ្លងកំពុងកើនឡើងវិញ នៅពេលដែលមនុស្សបន្ធូរបន្ថយវិធានការការពារ…ការខ្វះការការពារអាចនឹងធ្វើអោយជំងឺរាតត្បាតកាន់តែមានភាពធ្ងន់ធ្ងរ ។ លោក បៃដិន ក៏បានសន្យាទៅកាន់អភិបាលរដ្ឋដោយផ្ទាល់ផងដែរ ដើម្បីរក្សាវិធានការពាក់ម៉ាស ។
ការអះអាងបែបនេះរបស់លោក បៃដិន ត្រូវបានធ្វើឡើងស្របពេលដែលប្រទេសមហាអំណាចពិភពលោកមួយនេះបានមើលឃើញពីការកើនឡើងករណីឆ្លងជំងឺ Covid-19 ថ្មីៗនៅក្នុងរដ្ឋចំនួន២៧ ។ កាលពីដើមខែនេះ លោក បៃដិន បាននិយាយថាលោកនឹងដឹកនាំរដ្ឋទាំងអស់កុលសម្ព័ន្ធនិងដែនដីដើម្បីធ្វើឱ្យពលរដ្ឋអាមេរិកពេញវ័យទាំងអស់មានសិទ្ធិទទួលបាននូវចាក់វ៉ាក់សាំងការពារ Covid-19 នៅថ្ងៃទី១ ខែឧសភា ខាងមុខ ៕
ប្រភព ៖ ស៊ីនហួរ