(ព័ត៌មានបឋម) ម៉ូតូជាច្រើនគ្រឿងត្រូវបានអគ្គីភ័យលេបត្របាក់ស្ទើរទាំងស្រុងខ្លះយំ ខ្លះខ្យល់ចាប់ ក្រោយពីរឃើញម៉ូតូរបស់ពួកខ្លួនត្រូវភ្លើងឆេះ…
ថ្ងៃចេញផ្សាយៈ May 24, 2022
ស្វាយរៀង ÷ មានករណីអគ្គិភ័យមួយបានឆាបឆេះរោងចក្រស៊ីកូ តំបន់សេដ្ឋកិច្ចពិសេសក្រុងបាវិត បណ្ដាលឱ្យឆេះម៉ូតូរបស់កម្មករ កម្មការិនី ប្រមាណ ៣០គ្រឿង ខូចទាំងស្រុងប្រមាណ ១១គ្រឿង ។
ហេតុការណ៍នេះបានកើតឡើងកាលពីថ្ងៃទី២៤ ខែឧសភា ឆ្នាំ២០២២ ក្នុងករណីនេះដែរ មិនបណ្ដាលឲ្យគ្រោះថ្នាក់ដល់អាយុជីវិតទេ ដោយសារកម្មករ កម្មការនី ចូលធ្វើការអស់ ហើយការឆេះ គឺឆេះនៅកន្លែងផ្ញើកង់ម៉ូតូរបស់កម្មករ កម្មការិនី ចំពោះមូលហេតុនៃការឆាបឆេះ ក៏នៅមិនទាន់ដឹងច្បាស់នៅឡើយ ។
ក្រោយកើតហេតុ កម្មករ កម្មការិនី ជាម្ចាស់ម៉ូតូ ខ្លះស្រែកទ្រហោយំ ហើយខ្លះទៀតកើតខ្យល់ចាប់ ដោយសារម៉ូតូត្រូវភ្លើងឆេះអស់ដូចនេះស្ទើរទាំងស្រុង។
នេះជាព័ត៌មានបឋមព័ត៌មានលម្អិតយ៉ាងណាយើងខ្ញុំនឹងជម្រាបជូនពេលក្រោយ៕