​សមត្ថកិច្ច​ចំរុះ​គណៈបញ្ជាការ​ឯកភាព​រដ្ឋបាលក្រុង​ព្រះសីហនុ ដឹកនាំ​ដោយ​លោក គង់ សោភា អភិបាលរង​ក្រុងព្រះសីហនុ បាន​ចុះ​រៀបចំ​សណ្ដាប់ធ្នាប់ តាមរយៈ​ការ​ពន្យល់​ណែនាំ​ដល់​បងប្អូន​អាជីវករ​លក់ដូរ ខាង​មុខ​ផ្សារ​លើ ប្រជាពលរដ្ឋ​អ្នក​រត់​ម៉ូតូ​កង់​បី (​ផា​ស់អាប់​) ឲ្យ​លក់ដូរ និង​ឈប់​ចត​យានយន្ត​មាន​របៀបរៀបរយ

​ក្រុងព្រះសីហនុ​-​នៅ​ល្ងាច​ថ្ងៃទី​០២​សីហា​២០២២ សមត្ថកិច្ច​ចំរុះ​គណៈបញ្ជាការ​ឯកភាព​រដ្ឋបាលក្រុង​ព្រះសីហនុ ដឹកនាំ​ដោយ​លោក គង់ សោភា អភិបាលរង​ក្រុងព្រះសីហនុ បាន​ចុះ​រៀបចំ​សណ្ដាប់ធ្នាប់ តាមរយៈ​ការ​ពន្យល់​ណែនាំ​ដល់​បងប្អូន​អាជីវករ​លក់ដូរ ខាង​មុខ​ផ្សារ​លើ និង​អប់រំ​ណែនាំ​ដល់​បងប្អូន​ប្រជាពលរដ្ឋ​អ្នក​រត់​ម៉ូតូ​កង់​បី (​ផា​ស់អាប់​) ឲ្យ​លក់ដូរ​និង​ឈប់​ចត​យានយន្ត​មាន​របៀបរៀបរយ ហាម​លក់ដូរ​ឬ​ចត​យានយន្ត​ប៉ះពាល់​លើ​ផ្លូវ​សាធារណៈ​។​

​បើ​តាម​លោក គង់ សោភា អភិបាលរងក្រុង​បញ្ជាក់ថា ការចូលរួម​របស់​ព​ល​រដ្ឋ​អ្នកលក់ដូរ​ឬ​អ្នក​រត់​ម៉ូតូ​កង់​៣​ក៏​ដូចជា​ពលរដ្ឋ​ប្រកប​អាជីវកម្ម​ផ្សេងទៀត​តាម​ការរៀបចំ​របស់​អាជ្ញាធរ​គឺជា​ការចូលរួមចំណែ​ក​យ៉ាង​សំខាន់ ដើម្បី​សណ្តាប់ធ្នាប់​ល្អ​ក្នុង​ទីក្រុង​៕