សមត្ថកិច្ចខេត្តព្រះវិហារ ប្រដេញស្ទាក់ចាប់រថយន្តដឹកឈើមួយគ្រឿង
ខេត្តព្រះវិហារ៖ មន្ត្រីរដ្ឋបាលព្រៃ ឈើរវៀង នៃខណ្ឌរដ្ឋបាលព្រៃឈើខេត្តព្រះវិហារ បានសហការជាមួយ កម្លាំងនគរបាល ស្រុករវៀង ប្រដេ ញស្ទាក់ចាប់ រថយន្តស៊េរីទំនើបមួយគ្រឿង បានឈើពេញប្រៀប ហើយរថយន្តនោះ ត្រូវគេដឹងថា ជារបស់មេឈ្មួញជើងខ្លាំងម្នាក់ ប្រចាំស្រុករវៀង ឈ្មោះ តុលា ។
ការប្រដេញស្ទាក់ចាប់ រថយន្តដឹក ឈើ ខាងលើនេះ បានធ្វើឡើងនៅម៉ោង៤ និង៤០នាទី នារសៀល ថ្ងៃ ទី១៤ ខែកញ្ញា ឆ្នាំ២០២២ នៅលើកំណត់ផ្លូវជាតិលេខ៦២ ស្ថិតក្នុងភូមិរំចេក ឃុំរមណី ស្រុករវៀង ខេត្តព្រះវិហារ ។
ប្រភពមួយបាន អោយដឹងថា រថ យន្ត ១គ្រឿង ដែលកម្លាំងសមត្ថកិច្ចបង្ក្រាបនោះ ជាប្រភេទរថយន្តស៊ីណា ពណ៌សរ ពាក់ផ្លាកលេខ ភ្នំពេ ញ 2AG-5766 បានដឹកឈើពេញប្រៀប ប្រភពបានបន្តទៀតថារថយ ន្តមួយគ្រឿងនេះ បានធ្វើសកម្មភាពដឹកជញ្ជូនឈើ ជារៀងរាល់ថ្ងៃ ចេញ ពីតំបន់ភូមិសាស្ត្រ ស្រុកជ័យសែន និងស្រុករវៀងខេត្តព្រះវិហារ ឆ្លងចូលទៅខេត្តកំពង់ធំ ជារៀងរាល់ ថ្ងៃ។
តែងមានរថយន្តបើករេពេញទ្រូងផ្លូវ ដើម្បីរារាំងការប្រដេញស្ទាក់ចាប់ ពីកម្លាំងសមត្ថកិច្ចនៅក្នុងតំបន់នោះ ។
នាយខណ្ឌរដ្ឋបាល ព្រៃឈើខេត្ត ព្រះវិហារ លោក នួន សុខុម បានបញ្ជាកម្លាំង ផ្នែករដ្ឋបាលព្រៃឈើនិងកម្លាំងសង្កាត់ រដ្ឋបាលព្រៃឈើរវៀង បើកកិច្ច សហការជាមួយក ម្លាំងនគរបាល ស្រុករវៀង នៃស្នង ការដ្ឋាន នគរបាលខេត្តព្រះ វិហារ ប្រដេញស្ទាក់ចាប់បានរថយន្តដឹក ឈើ ១គ្រឿង ដើម្បីយកមករក្សាទុក និងបន្តនីតិវិធីតាមផ្លូវច្បាប់។