ឯកឧត្តម ឧត្តមសេនីយ៍ឯក ទូច ពលៈ ដឹកនាំអនុប្រធាននាយកដ្ឋាន ប្រធានអង្គភាពបង្ក្រាបបទល្មើសផ្ទៃសមុទ្រ(ស្ដីទី) មេបញ្ជាការ-មេបញ្ជាការរង នៃវរសេនាតូចនគរបាលការពារព្រំដែនទឹកលេខ២៤០ អមដំណើរ ឯកឧត្តម គួច ចំរើន អភិបាល និងតំណាងស្ថានទូតសាធារណរដ្ឋប្រជាមានិតចិចុះសួរសុខទុក្ខកងកម្លាំង វរសេនាតូចលេខ២៤០ និងពិនិត្យស្ថានភាពជនជាតិចិន ដែលបានជួបឧបទ្ទវហេតុលិចទូក
នៅថ្ងៃទី២៣ ខែកញ្ញា ឆ្នាំ២០២២ វេលាម៉ោង១៣:៤៥នាទី ឯកឧត្តម ឧត្តមសេនីយ៍ឯក ទូច ពលៈ ប្រធាននាយកដ្ឋាននគរបាលការពារព្រំដែនទឹក ដឹកនាំអនុប្រធាននាយកដ្ឋាន ប្រធានអង្គភាពបង្ក្រាបបទល្មើសផ្ទៃសមុទ្រ(ស្ដីទី) មេបញ្ជាការ-មេបញ្ជាការរង នៃវរសេនាតូចនគរបាលការពារព្រំដែនទឹកលេខ២៤០ ប្រចាំខេត្តព្រះសីហនុ បានអមដំណើរ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ និងតំណាងស្ថានទូតសាធារណរដ្ឋប្រជាមានិតចិន ប្រចាំព្រះរាជាណាចក្រកម្ពុជា ដើម្បីចុះសួរសុខទុក្ខកងកម្លាំង វរសេនាតូចលេខ២៤០ និងពិនិត្យស្ថានភាពជនជាតិចិន ដែលបានជួបឧបទ្ទវហេតុលិចទូក កាលថ្ងៃទី២២ ខែកញ្ញា ឆ្នាំ២០២២ ព្រមទាំងបានប្រគល់ថវិកា ចំនួន ១០លានរៀល ជូនដល់អង្គភាព និងវរសេនាតូច (សម្រាប់ការដោះស្រាយចំណាយផ្សេងៗ) នៅទីបញ្ជាការវរសេនាតូចលេខ២៤០ ក្រុងកោះរ៉ុង ខេត្តព្រះសីហនុ ៕