ម៉ូតូនិងម៉ូតូបុកគ្នានៅលើផ្លូវជាតិលេខ ៣៣ បណ្តាលអោយរងរបួសធ្ងន់
កំពត ៖ ថ្ងៃទី១៦ខែមេសាឆ្នាំ២០២៣ វេលាម៉ោង ២២និង១៥នាទីយប់មានករណីគ្រោះថ្នាក់ចរាចរណ៍មួយបានកើតឡើងរវាងម៉ូតូ និងម៉ូតូនៅលើផ្លូវជាតិលេខ ៣៣ ចន្លោះបង្គោល គីឡូម៉ែត្រលេខ ៤១+៤២ស្ថិតនៅភូមិរបងក្រាសឃុំកំពង់ត្រាចខាងកើតស្រុកកំពង់ត្រាច ខេត្តកំពត ទិសដៅបញ្ច្រាស់ទិសគ្នាពីជើងទៅត្បូង។
អ្នកបើកម៉ូតូម៉ាកទ្រីមសង់ពណ៍ខ្មៅពាក់ផ្លាកលេខកំពត១Q-៩៩០៦បើកបរដោយឈ្មោះស ពីង ភេទប្រុស១៦ឆ្នាំ(គ្មានរបួស)និងអ្នករួមដំណើពីក្រោយម្នាក់ឈ្មោះចំរើន សេរីភេទប្រុសអាយុ១៣ឆ្នាំ(របួសស្រាល)ទាំង២នាក់មានទីលំនៅភួមិព្រែកត្នោតសង្កាត់ព្រែកត្នោតក្រុងបូកគោខេត្តកំពត មានទិសដៅពីជើងទៅត្បូង លុះមកដល់ចំណុចកើតហេតុ ដោយល្បឿនលឿន បានរ៉េចង្កូតទៅបុកជាមួយម៉ូតូ១គ្រឿងទៀតម៉ាក់ទ្រីមសង់ពណ៍ ខ្មៅពាក់ផ្លាកលេខ កំពត១ T-៣៦៧៩ បើកបរដោយឈ្មោះ រី រ៉ហ៊ីម ភេទប្រុសអាយុ៤១ឆ្នាំ(គ្មានរបួស) និងអ្នករួមដំណើពីក្រោយ២នាក់ឈ្មោះអែម អាទីកាស់ភេទស្រីអាយុ៣៨ឆ្នាំ(របួសស្រាល) ឈ្មោះរី ស៊ីនីភេទស្រីអាយុ១៨ឆ្នាំ(របួសធ្ងន់) ។ ទាំង៣នាក់មានទីលំនៅភូមិព្រៃថ្នងឃុំព្រៃថ្នងស្រុកទឹកឈូខេត្តកំពត។ ទិសដៅពីត្បូងទៅជើងអ្នករបួសត្រូវបានសាច់ញាតិដឹកយកទៅសង្គ្រោះនៅមន្ទីពេទ្យបង្អែកខេត្តកំពត។
ចំពោះរូបភាពជនរងគ្រោះ២នាក់ទៀតយើងមិនមានទេដោយសាច់ញាតិដឹកយកទៅសង្គ្រោះនៅមន្ទីរពេទ្យមុនសមត្ថកិច្ចទៅដល់។
កណីនេះខូចខាត សម្ភារៈ រួមមាន ៖ រងរបួសធ្ងន់ចំនួន១នាក់ស្រី រងរបួសស្រាលចំនួន២នាក់ប្រុស ម៉ូតូខូចខាតកម្រិតស្រាលចំនួន២គ្រឿង ចំណែកវត្ថុតាងម៉ូតូទាំង ២ គ្រឿង បានយកមករក្សាទុកនៅអធិការដ្ឋានជាបណ្តោះអាសន្ន ៕
