​ករណី​អគ្គីភ័យ​លេប​ត្របាក់​ផ្ទះ​ឈើ​ប្រក់​ស័ង្កសី​មួយ​ខ្នង ខណៈពេល

នា​ថ្ងៃ​ព្រហស្បតិ៍​៧​កើត​ខែផល្គុន​ឆ្នាំ​ជូត ទោស័ក​ព​.​ស​២៥៦៤ ត្រូវ​នឹង​ថ្ងៃទី​១៨​ខែ​កុម្ភះ​ឆ្នាំ​២០២១ វេលា​ម៉ោង​១៥:០០​នាទី ត្រង់​ក្រុមទី​១៩ ភូមិ​កណ្តាល​ត្បូង ឃុំ​គោក​ឃ្មុំ ស្រុក​ថ្មគោល ខេត្ត​បាត់ដំបង កើតមាន​ករណី អគ្គិភ័យ​កើតឡើង ០១ លើក ម្ចាស់ផ្ទះ​ឈ្មោះ អ៊ុក ខាន់ ភេទ​ប្រុស​អាយុ​៦៨​ឆ្នាំ រស់នៅ​ភូមិ​កណ្តាល​ត្បូង ឃុំ​គោក​ឃ្មុំ ស្រុក​ថ្មគោល ខេត្ត​បាត់ដំបង ។​

​ហេតុការណ៍​នេះ បណ្តាល​អោយ​មាន​ការខូចខាត​ដូច​ទៅ ៖
-​ផ្ទះ​តម្កល់​ទំហំ ៥​ម​x៧​ម ធ្វើ​ពី​ឈើ​ប្រក់​ស័ង្កសី ជញ្ជាំង​ស័ង្កសី ក្រាល​បាត​ក្តារ (​ខូចខាត​ទាំងស្រុង​100%) ។​
-​ខ្សែ​កប្លាក​ទីន ០១ ខ្សែ (​រក​មិន​ទាន់​ឃើញ​)
-​គ្រែ ០៣ (​ខូចខាត​ទាំងស្រុង​)
-​កង់ ០៥ គ្រឿង​ចាស់ៗ (​ខូចខាត​ទាំងស្រុង​)
-​ទូរទស្សន៍​០១​គ្រឿង​(​ខូចខាត​ទាំងស្រុង​)
– ប្រាក់​ខ្មែរ​១.០០០.០០០​រៀល​,​អង្ករ​១​កា​រ៉ុង ,​ឯកសារ ក​២ ក​៤ សំបុត្រកំណើត អត្តសញ្ញាណប័ណ្ណ និង​សំភា​រះ​ប្រើប្រាស – សំលៀក​បំពាក់​មួយចំនួន​ធំ (​ខូចខាត​ទាំងស្រុង​)

​សរុប​ការខូចខាត​ទាំងអស់​សរុប​ប្រមាណ​ជា ២៥,០០០,០០០​រៀល (​ម្ភៃ​ប្រាំ​លាន​រៀល​) ។​

​នៅក្នុង​ហេតុការណ៍​នេះដែរ សមត្ថកិច្ច​បាន​ព្យាយាម​បាញ់​ពន្លត់ ដោយ​ប្រើប្រាស់​រថយន្ត​ពន្លត់​អគ្គិភ័យ​ស្រុក ០១ គ្រឿង និង​ឡាន​ច្នៃ ០២ គ្រឿង​ប្រើប្រាស់​ទឹក​អស់ ០៤​ឡាន (​ឡានធំ​១​ឡាន ,​ឡាន​ច្នៃ ៣ ឡាន ) ។​

​តាម​ស្រាវជ្រាវ​និង​ស៊ើប​អង្គេត​ឃើញថា អគ្គីភ័យ ឆាបឆេះ​នេះ ដោយ​មូលហេតុ ឆ្លង​ចរន្តអគ្គិសនី​(​ទុស្សេ​ខ្សែភ្លើង​)​។ ជា​សំណាងល្អ ក្នុង​ហេតុការណ៍ មិន​មាន​រងរបួស​ដល់​មនុស្ស​ឡើយ ៕