មន្ទីរពេទ្យ​ខេត្ត​កែបទទួល​អំណោយ​សម្ភារ​បរិក្ខា​ពេទ្យរបស់ ឯកឧត្តម ហ៊ុន ម៉ា​ណែ​ត តាមរយៈ​ឯកឧត្តម សោម ពិសិដ្ឋ អភិបាលនៃ​គណៈ​អភិបាលខេត្ត​កែប

កែប ៖ ;​ព្រឹក​ថ្ងៃ​ទី​២០ ខែ​កុម្ភៈ ឆ្នាំ​២០២១ ឯកឧត្តម សោម ពិសិដ្ឋ អភិបាល នៃ​គណៈ​អភិបាលខេត្ត​កែប បាន​នាំយក សម្ភារ​បរិក្ខា​ពេទ្យ ដែលជា អំណោយ របស់ ឯកឧត្តម ហ៊ុន ម៉ា​ណែ​ត ផ្តល់ជូន​មន្ទីរពេទ្យ​ខេត្ត ដេ​ី​ម្បីប្រើប្រាស់​ផ្នែក​វិជ្ជសាស្ត្រ សម្រាប់​បម្រេ​ី​ផ្នែក​សុខាភិបាល​ជូន​ប្រជាព​ល​រដ្ឋ ។

​ឱកាស​នេះ​ផងដែរ ឯកឧត្តម អភិបាលខេត្ត បាន​ថ្លែងអំណរគុណ ចំពោះ​ឯកឧត្តម ហ៊ុន ម៉ា​ណែ​ត ដែល​ជានិច្ចកាល តែងតែ​ផ្តល់​ការគិតគូរ​យកចិត្តទុកដាក់ និង​ជូន​នូវ​អំណោយ​ជា​បន្តបន្ទាប់ ជាមួយគ្នានេះ ឯកឧត្តម ក៏​បាន​ណែនាំ​ដល់ មន្ត្រី ក៏​ដូច​ជា​ថ្នាក់ដឹកនាំ​មន្ទីរ​សុខាភិបាល​ខេត្ត ក៏​ដូចជា​មន្ទីរពេទ្យ​ខេត្ត ត្រូវ​ចាត់ចែង ទុកដាក់ និង​ប្រើប្រាស់​សម្ភារ​ទាំងនេះ អោយបាន​ល្អ ត្រឹមត្រូវ និង​ចំ​គោលដៅ ជា​ប្រយោជន៍​ដល់​សុខុមាលភាព​សាធារណៈ​។

​ពេល​ចប់​កម្មវិធី​ប្រគល់​ទទួល​សម្ភារ​នេះ ឯកឧត្តម អភិបាលខេត្ត ក៏​បាន​អញ្ជើញ​ចូល​ពិនិត្យ​អគារ​សម្ព​ព​ថ្មី ដែល​ទើប​ដំណើរការ និង​បាន​ឧបត្ថម្ភ​ថវិកា​ដល់​ស្ត្រី​ដែល​ទើប​សម្រាលកូន ព្រមទាំង​បាន​អញ្ជើញ​ពិនិត្យ​ទីតាំង​អគារ ត្រៀម​បំរុង សម្រាប់​ព្យាបាល​អ្នកជំងឺ​កូវី​ត​១៩ ផងដែរ​៕