យាយ​លោក អូ​បា​ម៉ា ទទួល​មរណៈភាព​ហើយ​

លោកស្រី Sarah Onyango Obama ជីដូន​របស់​អតីត​ប្រធានាធិបតី​អាមេរិក​បា​រ៉ាក់​អូបា​ម៉ា បាន​ស្លាប់​ក្នុង​វ័យ​៩៩​ឆ្នាំ នៅក្នុង​មន្ទី​រព​ទ្យេ​មួយ​នា​ក្រុង​Kisumu ប្រទេសកេន​យ៉ា កាលពី​ថ្ងៃ​ទី​២៩ មីនា ម្សិលមិញ​។​

​លោក អូ​បា​ម៉ា បាន​រៀបរាប់​លើ​បណ្តាញ​សង្គម​ថា លោកស្រី​ត្រូវបាន​គេ​ស្គាល់​ថា លោកយាយ Sarah ប៉ុន្តែ​សម្រាប់​លោក និង​ក្រុមគ្រួសារ បាន​ហៅ​លោកយាយ Dani ឬ Granny ។ លោក​ថា ពួកលោក​នឹង​នឹក​លោកយាយ​និង​ដឹងគុណ​លោកយាយ​ជា​រៀងរហូត​។​

​លោកយាយ​ត្រូវ​បាន​គេ​ស្គាល់​ថា ជា​គ្រូបង្រៀន​ជនជាតិ​កេន​យ៉ា និង​ជា​អ្នក​គៀងគរ​មូលនិធិ​សប្បុរសធម៌ ដែល​ជួយ​ដល់​ការអប់រំ​ក្មេង​ស្រី​និង​កុមារកំព្រា ។ លោកស្រី​ក៏​ធ្លាប់​ត្រូវបាន​អង្គការសហប្រជាជាតិ​ផ្តល់​ពានរង្វាន់​ក្នុងការ​ទទួលស្គាល់​លើ​កិច្ច​ការងារ​ជួយ​អប់រំ​របស់​លោកស្រី​កាលពី​ឆ្នាំ​២០១៤​ផងដែរ ។​

​អ្នកនាំពាក្យ​ក្រុមគ្រួសារ​របស់​លោក អូ​បា​ម៉ា ថា លោកស្រី​មាន​អា​ការៈមិន​ស្រួលខ្លួន ប្រមាណ​១​សប្តាហ៍ មុនពេល​ស្លាប់​ប៉ុន្តែ​ពុំ​មាន​ជំងឺ​កូវី​ដ​១៩​ទេ​៕