ជំនួបស្វែងយល់​ ពី​បញ្ហា និង សំណូមពរ​របស់​បង​ប្អូន​ប្រជាពលរដ្ឋ​នៅ​ភូមិ​ច្រក​ឃ្លៃ ​ឃុំ​ទូក​មាស​ខាងលិច ដែល​ពូក​គាត់​ចូល​វាយ​ថ្មភ្នំ​នៅលើ​អាជ្ញា​បណ្ណ​ភ្នំ​របស់​ក្រុមហ៊ុន​

បន្ទាយមាស ៖ ថ្ងៃទី​៣១​ខែ​មីនា​ឆ្នាំ​២០២១ លោក មួង នឿន អភិបាល​នៃ​គណៈ​អភិបាលស្រុក រូ​ម​ដំណើរ​ដោយ​លោកនាយក​រដ្ឋបាល​ស្រុក លោក​អធិការនគរបាល​ស្រុក លោក​មេបញ្ជាការ​មូលដ្ឋាន​កងរាជអាវុធហត្ថ​ស្រុក អាជ្ញាធរ​ឃុំ ភូមិ ប៉ុស្ដិនគរបាល​រដ្ឋបាល​ឃុំ​និង​តំណាង​ក្រុមហ៊ុន​កំពត​ស៊ី​មេន បាន​អញ្ជើញ​ចុះ​ជូ​ប​និង​ស្វែងយល់​ពី​បញ្ហា សំណូមពរ​របស់​បង​ប្អូន​ប្រជាពលរដ្ឋ​នៅ​ភូមិ​ច្រក​ឃ្លៃ​ឃុំ​ទូក​មាស​ខាងលិច ដែល​ពូក​គាត់​បាន​ប្រកប​របរ​វាយ​ថ្មភ្នំ​នៅលើ​អាជ្ញា​បណ្ណ​ភ្នំ​របស់​ក្រុមហ៊ុន​

​ក្នុង​នោះ​បងប្អូន​ប្រជាពលរដ្ឋ​បាន​សំណូមពរ ៈ​
១-​សុំ​វាយ​ថ្ម​នៅ​ជើងភ្នំ​ខាងក្រោម (​សុំ​មិន​បំផ្ទុះ​ជា​រំ​សេវ វាយ​ដោយ​កម្លាំង​ពលកម្ម​)
២-​សុំ​ផ្លូវ​ដឹក​ថ្ម​តាម​ដី​ក្រុមហ៊ុន​

​តំណាង​ក្រុមហ៊ុន​លើកឡើងថា ៖
– គាត់​មិន​ហ៊ាន​អនុញ្ញាតអោយ​វាយ​ឬ​បំផ្ទុះ​នៅលើ​អាជ្ញា​បណ្ណ​ក្រុមហ៊ុន​
– បងប្អូន​អាច​វាយ​តែ​ក្រៅ​តំបន់​អាជ្ញា​បណ្ណ​បាន​
– បងប្អូន​បើក​គូ​យន្ត​ឬ​ដឹក​រទេះគោ​បាន​

​ជា​ចុងក្រោយ លោក​អភិបាលស្រុក​បាន​ទទួល​មតិយោបល់​របស់​បង​ប្អូន​និង​តំណាង​ក្រុមហ៊ុន សុំអោយ​ភាគី​ខាង​បងប្អូន​ផ្អាក​វាយ​ថ្ម​ជា​បណ្ដោះអាសន្ន​មួយ​រយៈ​សិន​រងចាំ​ការសម្របសម្រួល​ជាមួយ​ក្រុមហ៊ុន​និង​សុំ​យោបល់​ថ្នាក់​ខេត្ត​។​

​បន្ទាប់ពី​បាន​ជូ​ប​បងប្អូន​ប្រជាពលរដ្ឋ​ចប់​លោក​អភិបាលស្រុក បាន​អញ្ជើញ​ចុះ​ពិនិត្យ​មើល​បងប្អូន​ប្រជាពលរដ្ឋ​បាន​ធ្វើ​របង​បិទ​ផ្លូវទឹក នៅ​ភូមិ​ច្រក​ឃ្លៃ​ឃុំ​ទូក​មាស​ខាងលិច​ស្រុក​បន្ទាយមាស ៕