​តើ​អាជ្ញាធរ​ខេត្ត​កែប ហ៊ាន​ចាត់វិធានការ​ទៅលើ​លោក​តោ​សុ​វុទ្ធី​ដែរឬទេ ករណី​រំលោភ​យក​ដី​សហគមន៍​ធ្វើជា​កម្មសិទ្ធិ

កែប​៖ អាជ្ញាធរ​ខេត្ត​កែប អនុវត្ត​ច្បាប់​ត្រឹមត្រូវ​ដែរឬទេ​ចំពោះ​ករណី​លោក តោ សុ វុទ្ធី ដែល​រំលោភ​យក​ដី​សហ គ​មន៍ ការពារ​ព្រៃឈើ នៅ​អ្នកតា​ឈរ ប្រមាណ​១​ហិច​តា រួច​ហើយ​ឆ្លើយ​ថា​ច្រឡំ​ប្លង់ ។​
​មន្ត្រីរាជការ​មួយ​ក្តាប់​តូច បាន​ខ្សឹប​ប្រាប់​ថា បច្ចុប្បន្ន​នេះ​លោក តោ សុ​វុទ្ធី កំពុង​ល្បីល្បាញ​ខ្លាំងណាស់ នៅ​ភូមិសាស្ត្រ ស្រុក​ដំណាក់​អ​ង្អើ​រ ខេត្ត​កែប តាមរយៈ​ការ​សាង សង់ផ្ទះ លំហែ​បឹង​កា​ឡូ រំលោភ​លើ​ដី​សហគមន៍​ការពារ​ព្រៃឈើ ក្នុង​ភូមិ​ចំការ​បី ឃុំ​ពងទឹក ស្រុក​ដំណាក់​អ​ង្អើ​រ​ខេត្ត​កែប ដែល​ជា​ដែន​អភិរក្ស ស្ថិត​ក្រោម​ការគ្រប់គ្រង​របស់​រដ្ឋបាល​ព្រៃឈើ​ខេត្ត​កែប ។

​បើ​តាម​ប្រភព​ពី​ប្រជាពលរដ្ឋ បានអោយដឹងថា ភូមិសាស្ត្រ​ព្រៃ សហគមន៍ ការពារ​ព្រៃឈើ ដ៏​តឹងរឹង​បំផុត ហាម​ប្រាប់​មិនឲ្យ​មាន​បុគ្គល​ណា ទន្ទ្រាន​យក​ដី ឬ កាប់​ដើមឈើ​ក្នុង​តំបន់​នោះឡើយ ប៉ុន្តែ​ឥឡូវនេះ មហាជន​បាន​ថ្លែង​កោត​ស​សើរ​ចំពោះ បុគ្គល​ដ៏​មហាអស្ចារ្យ លោក តោ សុ​វុទ្ធី ដែលមាន អំណាច​អាច​យក​ដៃ បាំង​មេឃ ឈូសឆាយ​ទន្ទ្រានព្រៃ យក​ដី​សង់ផ្ទះ​លំហែរ នៅលើ​ភ្នំ​ដែល​ជា​ដី ស ហគ​មន៍​ការពារ រដ្ឋបាល​ព្រៃឈើ ខណៈ​ដែល ប្រជាពលរដ្ឋ​ទូទៅ គ្មាន​អ្នកណា​ហ៊ាន សូម្បី​តែ​កាប់​ឈើ​មួយ​ដើម ព្រោះ​ខ្លាច​អំណាច របស់ រដ្ឋបាល​ព្រៃឈើ ចាំ​យក​មក ផ្តន្ទាទោស​អោយ ជាប់គុក​ជាប់ច្រវ៉ាក់ ។​

​ការ​បែកធ្លាយ​តាម​បណ្ដាញ​សង្គម បានដាក់​ការសង្ស័យថា លោក តោ សុ​វុទ្ធី អាច​នឹង​មាន​ខ្នងបង្អែក ដ៏​រឹងមាំ​ណាមួយ​នៅក្នុង​ខេត្ត​កែប​នេះហើយ ទើប​ថ្លើមធំ​ហ៊ាន ទន្ទ្រាន​រំលោភ​យក​ដី​សហគមន៍​ព្រៃឈើ នៅ​ចំណុច​ព្រៃ អ្នកតា​ឈរ ស្ថិត នៅ​ភូមិ​ចំការ​បី ប្រមាណ​ជាង​១​ហិច​តា ជាច្រើន​ឆ្នាំ រហូត​បាន​សាងសង់​ផ្ទះ​លំហែរ បឹង​កា​ឡូ ជាច្រើន​ខ្នង​ធ្វើជា​កម្មសិទ្ធិ​ផ្ទាល់ខ្លួន​។​

ទើបតែ​បែកធ្លាយ​ថ្មីៗ​នេះ ប្រភព​ពី​ប្រជាពលរដ្ឋ បានឲ្យដឹងថា មួយ​រយៈ​ចុង​ក្រោយ​នេះ មន្ត្រី​ជំនាញ​បានចេញ សេចក្តីប្រកាស ព្រមាន​លោក តោ សុ​វុទ្ទី ឲ្យ​បញ្ឈប់ ជាបន្ទាន់​រាល់​ការ​ឈូសឆាយ ទន្ទ្រាន​ដី​ព្រៃ​របស់ សហគមន៍ និង​សាង សង់ផ្ទះ និង បឹង​កា​ឡូ ប៉ុន្តែ​បុគ្គល​មួយ​រូប​នេះ មិន​ត្រឹមតែ​មិន​យក ត្រចៀក​ស្ដាប់​នោះទេ គឺ​ថែមទាំង​បង្កើន សកម្ម ភាព​ឈូសឆាយ និង សាសង់​រហូត លេចចេញ​នូវ រូបរាង​ផ្ទះ​លំហែរ កាយ​កាន់តែច្រើន​ខ្នង​ថែមទៀត ។​