ចែក​ធាតុ​ចូល​កសិកម្ម គាំទ្រ​កម្មវិធី​ផ្សព្វផ្សាយ​បច្ចេកទេស​កសិកម្ម​ថ្មី​ដែល​ធន់​ទៅនឹង​ការប្រែប្រួល​អាកាសធាតុ​(ASPIRE) ជូន​ដល់​កសិករ​ជា​សមាជិក​បណ្តុំ​អាជីវកម្ម​ចំនួន​៤​បណ្តុំ ដែល​មាន​គ្រួសារ​កសិក​រ ចូលរួម​សរុប​ចំនួន​១៥៧ គ្រួសារ អញ្ជើញ​មក​ពី​ឃុំ​ពងទឹក ស្រុក​ដំណាក់​ចង្អើរ

ខេត្ត​កែប ៖ នៅ​រសៀល​ថ្ងៃ​ទី​២៣ ខែវិច្ឆិកា ឆ្នាំ​២០២០ ឯកឧត្តម នុត ច័ន្ទ​សុខា រដ្ឋលេខាធិការ ប្រចាំការ ក្រសួង​កសិកម្ម រុក្ខា​ប្រមាញ់ និង​នេសាទ និង​ឯកឧត្តម វៅ សុខា អភិបាលរង​ខេត្ត​កែប បាន​ចូលរួម​ជា​គណៈអធិបតី​ក្នុង​ពិធី​ចែក​ធាតុ​ចូល​កសិកម្ម ដែល​គាំទ្រ​កម្មវិធី​ផ្សព្វផ្សាយ​បច្ចេកទេស​កសិកម្ម​ថ្មី​ដែល​ធន់​ទៅនឹង​ការប្រែប្រួល​អាកាសធាតុ​(ASPIRE) ជូន​ដល់​កសិករ​ជា​សមាជិក​បណ្តុំ​អាជីវកម្ម​ចំនួន​៤​បណ្តុំ ដែល​មាន​គ្រួសារ​កសិក​រ ចូលរួម​សរុប​ចំនួន​១៥៧ គ្រួសារ អញ្ជើញ​មក​ពី​ឃុំ​ពងទឹក ស្រុក​ដំណាក់​ចង្អើរ ខេត្ត​កែប​។​

​សមាសភាព ចូលរួម​ក្នុង​ពិធី​ចែក​ធាតុ​ចូល​កសិកម្ម រួមមាន ឯកឧត្តម លោក ជំទាវ អនុរដ្ឋលេខាធិការ លោក លោកស្រី ប្រធាន​មន្ទីរ កង កម្លាំងប្រដាប់អាវុធ ទីប្រឹក្សា​កម្មវិធី ASPIRE អាជ្ញាធ័រ​ស្រុក​-​ឃុំ អ្នកលក់​ធាតុ​ចូល​កសិកម្ម តំណាង​ក្រុមហ៊ុន​អង្គរហ្គ្រី​ន អ្នក​ផ្សព្វផ្សាយ​ឃុំ​។

​ក្នុង​ពិធី​ចែក​ធាតុ​ចូល​កសិកម្ម ឯកឧត្តម​រដ្ឋលេខាធិកា​រ​ប្រចាំការ បាន​មាន​ប្រសា​ស​ន៏​លើកឡើង​នូវ​សំណូមពរ រួម​មាន​ដូចខាងក្រោម​៖
​ក​-​ប្រជាពលរដ្ឋ​៖
១-​ត្រូវ​យកចិត្តទុកដាក់​ថែទាំ និង​ទុកដាក់​សម្ភារៈ​ជា​ធាតុ​ចូល​កសិកម្ម​ឳ្យ​បាន​ត្រឹមត្រូវ ការចិញ្ចឹម ការដាំដុះ គឺ​ត្រូវ​មាន​ការថែទាំ និង​អនុវត្ត​ទៅ​តាម​ការណែនាំ​មន្ត្រី​ជំនាញ​កសិកម្ម​។​
២-​បន្ត​ការយកចិត្តទុកដាក់​ថែទាំ​សុខភាព ដោយ​ធ្វើ​អនាម័យ​ជាប្រចាំ ឧស្សាហ៏ដុ​សលាង​សម្អា​តដៃ​ជាមួយ​ទឹក​អា​កុល ឬ​ចែ​ល និង​ធ្វើ​អនាម័យ​ជាប្រចាំ​នៅ​លំនៅដ្ឋាន ជាពិសេស ត្រូវ​អនុវត្ត​ទៅតាម​សេចក្តីណែនាំ​របស់​ក្រសួង សុខាភិបាល​។​
៣-​សូម​បន្ត​គាំទ្រ​រាជរដ្ឋាភិបាល​កម្ពុជា ក្រោម​ការដឹកនាំ​ប្រកបដោយ​គតិបណ្ឌិត និង​ឈ្លាសវៃ​បំផុត​របស់ សម្តេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី​នៃ​ព្រះរាជ​ជាណា​ចក្រ​កម្ពុជា​។​
​ខ​-​មន្ទីរ​ក្រសួងកសិកម្ម រុក្ខា​ប្រមាញ់ និង​នេសាទ​៖
១-​បន្ត​យកចិត្តទុកដាក់ និង​ចុះជួយ​បច្ចេកទេស​ដល់​ប្រជា​កសិករ​ដែល​ទទួលបាន​សម្ភារៈ​ជា​ធាតុ​ចូល​កសិកម្ម​សម្រាប់​ថ្ងៃនេះ ក៏ដូចជា ប្រជា​កសិករ​នៅ​ទូទាំង​ខេត្ត​កែប​។​
២-​បន្ត​រៀបចំ​កម្មវិធី​ចែក​ធាតុ​ចូល​កសិកម្ម ជូន​ដល់​គ្រួសារ​កសិករ​សមាជិក​បណ្តុំ​អាជីវកម្ម ដែល​នៅសល់​មិន​
​ទាន់​បាន​រៀបចំ​ពិធី​ចែក​។​
៣-​បន្ត​ខិតខំ​យកចិត្តទុកដាក់​ចុះ​ពិនិត្យ​តាមដាន​សុខភាព​សត្វ ការចាក់​វ៉ាក់សាំង​ការពារ​ជម្ងឺឆ្លង​សត្វ​ផ្សេងៗ​
​និង​បន្ត​ទប់ស្កាត់​ចលនា​សត្វ​ដោយ​ខុស​ច្បាប់​ជា​ប្រចាំ រួមទាំង បទល្មើស​ជលផល និង​ព្រៃឈើ​។​
៤-​បន្ត​ជួយ​កសិករ​ធ្វើ​ការដាំដុះ និង​ផលិត​នូវ​ផលិតផល​ដែល​មាន​គុណភាព​ខ្ពស់ មាន​អនាម័យ ស្របតាម ស្តងដា និង​តាម​គោល​ការណ៏ ការអនុវត្ត​កសិកម្ម​ល្អ ដើម្បី​ឆ្លើយតប​ទៅនឹង​តម្រូវការ​ទីផ្សារ​ទាំង​ក្នុង និង​ក្រៅ​ស្រុក​។​
៥-​បន្ត​ជួយ​ណែនាំ​ដល់​កសិករ​កាត់បន្ថយ​ប្រើប្រាស់​ជី ថ្នាំពុល​កសិកម្ម ឬ​ក៏​ប្រើប្រាស់​ក្នុង​កម្រិត​សមស្រប​តាម​លក្ខណៈ​បច្ចេកទេស និង​ងាក​មក​ធ្វើ​កសិកម្ម​រី​រាង្គ​។
៦-​បន្ត​ជួយ និង​ជម្រុញ​សហគម​ន៏​កសិកម្ម ឧ្យ​ក្លាយទៅជា​សហគម​ន៏​ក​សិ​-​ពាណិជ្ជកម្ម និង​
៧-​ត្រូវ​យកចិត្តទុកដាក់​អនុវត្ត​សារាចរ​ណែនាំ​លេខ​២៦៥ សរ​ណន ក​សក ចុះ​ថ្ងៃ​ទី​០២ ខែ​កក្ត​ដា ឆ្នាំ​២០ ២០ ស្តី​ពី​ការបង្កើន​យុទ្ធនាការ​ជម្រុញ​ផលិតកម្ម​កសិកម្ម និង​សេចក្តីណែនាំ ស្តីពី​ការចូលរួម​សហការ​គ្រប់គ្រង​គ្រោះមហន្តរាយ និង​កិច្ច​អន្តរាគ​ម​ន៏ ស្តារ​ការខូចខាត​ឡើងវិញ​នៃ​ផលិតកម្ម​កសិកម្ម ចុះ​ថ្ងៃ​ទី​១៣ ខែតុលា ឆ្នាំ​២០២០​។​
​សូម​ជម្រាប​ជូន​ថា ប្រជាពលរដ្ឋ​ជា​គ្រួសារ​កសិករ​ចំនួន​១៥៧ គ្រួសារ បាន​ទទួល​ធាតុ​ចូល​កសិកម្ម រួមមាន​៖
១.​កូន​ត្រី​អណ្តែង និង​ចំណី​ត្រី ២.​ជីគីមី និង​ថ្នាំ​បំប៉ន និង​គ្រាប់ពូជ​ពោត ៣.​កូន​មាន់ ទ្រុង ចំណី និង​ស្នូក​ទឹក​ស្នូក​ចំណី និង​៤. បន្ទាប់ពី​ពិធី​ចែក​ធាតុ​ចូល​កសិកម្ម​បញ្ចប់ ក៏​មាន​កម្មវិធី​លែង​កូន​ត្រី​ផងដែរ​។​