​ឯកឧត្តម ជាវ តា​យ អភិបាល​ខេត្ត​កំពត​ដាស់តឿន មន្ត្រី​ជំនាញ និង​ពាក់​ពន្ធ័​ពន្លឿន​សាងសង់​ស្ពាន​ត្រើយ​កោះ អោយបាន​ឆាប់រហ័ស​

កំពត ៖ ប្រជាពលរដ្ឋ​នៅ​សង្កាត់​ត្រើយ​កោះ​ក្នុង​ក្រុង​កំពត​ខេត្ត​កំពត កាលពី​ព្រឹក​ថ្ងៃទី​4 ខែ​មករា ឆ្នាំ 2021​នេះ ដែល​មាន​លំនៅដ្ឋាន​ជាប់​និង​គល់ស្ពាន​ត្រើយ​កោះ បាន​និយាយ​ប្រាប់​អោយដឹងថា អាជ្ញាធរ​ក្រុង​បាន​ជួន​ដំណឹង​ជូន​ពួកគាត់ 2 ដង រួចមកហើយ គឺ​អោយ​ពួកគាត់​មាន​ផ្ទះ​នៅជាប់​គល់​ស្ពាន​ខាងត្បូង និង​គល់​ស្ពាន​ខាងជើង​រុះរើ​សំ​យ៉ាប់​ពី​មុខ​ផ្ទះ​អោយបាន​ឆាប់រហ័ស ងាយស្រួល​សាងសង់​ស្ពាន​ថ្មី​ត្រើយ​កោះ​នេះ​អោយបាន​ឆាប់ ។​

​ប្រជាពលរដ្ឋ​ដដែល​បាន​និយាយ​ត្អូញត្អែ​ថា ការជូន​ដំណឹង​របស់​អាជ្ញាធរ​អោយ​រុះ​សំ​យ៉ាប់​ផ្ទះ​ចោល​នេះ​ដែល​ប៉ះពាល់​ការសាងសង់​ស្ពាន​ត្រើយ​កោះ​នេះ​ពួកគាត់​មិន​ទទួលបាន​សំណង់​ពី​អាជ្ញាធរ​ទេ ។ ហើយ​ការរស់នៅ​ជាប់​និង​គល់​ស្ពាន​នេះ ម្នាក់​មិន​ក្រោយ​ពី​ជិត 40 ឆ្នាំ​ទេ ។ ចំណែក លោក គី​រ៉ា មន្ត្រី​ជំនាញ​មកពី​មន្ទីរ​សាធារណៈការ និង​ដឹកជញ្ជូន​ខេត្ត​កំពត បាន​ថ្លែងប្រាប់​អោយដឹង កាលពី​ព្រឹក​ថ្ងៃទី ៤ ខែ​មករា​នេះ​ថា ការសាងសង់​ស្ពាន​ត្រើយ​កោះ​នេះ គឺ​មន្ទីរ​សាធារណការ​ខេត្ត​ជា​អ្នក​សាងសង់​តែម្ដង គឺ​មាន​ប្រវែង​75​ម៉ែត្រ ។​

​លោក គឺ​រ៉ា ជំនាញ​ផ្នែក​ស្ពាន​ថ្នល់​បាន​អះអាង​ថា ការប៉ះពាល់​ក្នុង​ការសាងសង់​ស្ពាន​នេះ គឺ​ផ្ទះ​ប្រជាពលរដ្ឋ​នៅ​ចុង​ខាងត្បូង​ច្រើន​ជាង​ចុងស្ពាន​ខាងជើង ។ ដោយសារតែ​មាន​ការសាងសង់​ស្ពាន​អូសបន្លាយ​យូរ ។

​កាលពី​ពេល​ថ្មីៗ​នេះ ឯកឧត្តម ជាវ តា​យ អភិបាល​ខេត្ត​កំពត​បា​ន​បើក​កិច្ចប្រជុំ​មួយ​ពាក់​ពន្ធ័​រឿង​ស្ពាន​ត្រើយ​កោះ​ធ្វើយ៉ាងណា​អោយ​បាន​លើ​ន​ហើយ​មូលហេតុ​អ្វី​បានជា​យឺតយ៉ាវ ។

​លោក នាក់ សុ​វណ្ណា​រី អភិបាលស្រុក​ទឹកឈូ ហើយ​លោក​មានផ្ទះ​មួយ​កន្លែង​នៅ​ក្បាល​ស្ពាន​ពី​ខាងជើង ។ លោក​បាន​ថ្លែងថា ព្រោះ​សាងសង់​ស្ពាន​នេះ មិន​ទាន់​ច្បាស់​ពី​ទំហំ​ហើយ​ប៉ះពាល់​ប៉ុន្មាន​ម៉ែត្រ ទើប​លោក​មិនទាន់​សម្រេច​ចិត្ត​ថា វាយរបង​ចោល ។

​លោក នាក់ សុ​វណ្ណា​រី អភិបាលស្រុក​ទឹកឈូ​ថា បើ​មាន​ផលប៉ះពាល់​របង​ផ្ទះ​គាត់ គាត់​នឹង​ហ៊ាន​បរិច្ចាក​ជា​គម្រូ​គេ ដោយ​មិន​គិត​ពី​ផលប្រយោជបុ​គ្គ​លឡើយ ។​

​ឯកឧត្តម ជាវ តា​យ អភិបាល​ខេត្ត​កំពត​បា​ន​ថ្លែងអំណរគុណ​ដល់​លោក​អភិបាលស្រុក​ទឹកឈូ ដែល​ហាន​ចំណាយ​ទ្រព្យសម្បត្តិ​របស់​ខ្លួន​ជា​គំរូ​មួយ​សម្រាប់​មន្ត្រីរាជការ ។ ប៉ុន្តែ​ការយឺតយ៉ាវ​ក្នុង​ការសាងសង់​ស្ពាន​ឆ្លង​ទៅ​កាន់​ត្រើយ​កោះ​នេះ​មក​ពី​មាន​លំ​ដ្ឋា​ន​មន្ត្រីរាជការ​នៅ​គុល​ស្ពាន​ចុង​ខាងត្បូង​មិន​បាន​រុះរើ​តាម​ការរំពឹង​ទេ​ដោយ​មាន​ការ​រុញ​រា​ចាំ​មើលគ្នា​ទៅវិញទៅមក​មិន​អោយ​អ្នក​នៅ​ពីមុខ​រុះ ។ តែ​លោក លាង រឿង​សុធី អភិបាលក្រុង​កំពត​ក៏​ស្ទាក់ស្ទើរ មិន​ហាន​និយាយ​ចំហរ​ជា​សាធារណៈ​ដែរ ព្រោះ​មាន​លំនៅដ្ឋាន​មន្ត្រីរាជការ​នៅ​ជាប់​និង​គល់ស្ពាន ។​

​ប៉ុន្តែ​ឯកឧត្តម ជាវ តា​យ អភិបាល​ខេត្ត​កំពត​បា​ន​ដាស់តឿន​មន្ត្រី​ពាក់​ពន្ធ័​ទាំង​អស់ រាប់​ទាំង​លោក នាក់ សុ​វណ្ណា​រី ផង ជួយ​ពន្លឿន​ស្ពានឆ្ង​ង​ត្រើយ​កោះនេះ ធ្វើយ៉ាងណា​អោយ​បាន​ឆាប់​រហស័​បើមិន​មាន​រាំងស្ទះ​អ្វី​ទៀត ៕
​ដោយ អ៊ួ​ង វ៉ឹ​ង​ ​