​វេទិកាសាធារណ​:​នៅ​ភូមិ ត្រពាំង​ក្ដុល ឃុំ​ត្រពាំង​សាលា​ខាងលិច ស្រុក​បន្ទាយមាស​ខេត្ត​កំពត

ខេត្ត​បន្ទាយ​មាស ៖ ព្រឹក​ថ្ងៃ​ទី ១៣​ខែ មករា ឆ្នាំ​២០២១ លោក មួង នឿន អភិបាល នៃ​គណ​:​អភិបាលស្រុក និង​ជា​អនុប្រធាន​អចិន្ត្រៃយ៏​ក្រុមការងា​ររាជរដ្ឋាភិបា​ល​ចុះ​មូលដ្ឋាន​ស្រុក​បន្ទាយមាស បាន​អញ្ជើញ​ជា​អធិបតី​បើក​កិច្ចប្រជុំ វេទិកាសាធារណ​:​នៅ​ភូមិ ត្រពាំង​ក្ដុល ឃុំ​ត្រពាំង​សាលា​ខាងលិច ស្រុក​បន្ទាយមាស​ខេត្ត​កំពត និង​មាន​ការអញ្ជើញ​ចូល​រូ​ម ពី​ក្រុមការងារ​ថ្នាក់ ស្រុក ឃុំ ភូមិ និង​ប្រជាពលរដ្ឋ​សរុប​ចំនួន ៤៩ នាក់​ស្រី ២៣ នាក់​( ស្រុក​០៩ នាក់ ស្រី ០ ១ នាក់ ឃុំ ភូមិ និង​ប្រជាពលរដ្ឋ​ចំនួន ៤០ នាក់ ស្រី ២២ នាក់​) បងប្អូន​ប្រជាពលរដ្ឋ​បាន​លើក​ជា​បញ្ហា និង​សំណូមពរ
​បញ្ហា គម្រោង​ស្ដារ​ប្រឡាយ​ដី​នៅ​ភូមិ​ត្រពាំង​ក្ដុល​ឃុំ​ត្រពាំង​សាលា​ខាង​លិច​ប្រវែង​៣៨៥០ ម៉ែត្រ (​គម្រោង​ឆ្នាំ​២០២០) ។​

​បងប្អូន​ប្រជាពលរដ្ឋ​បាន​សំណូមពរ សុំ​អោយ​ស្ដារ​ប្រឡាយ​មាត់​លើ ចំនួន ៣ ម៉ែត្រ និង​ផ្លូវ​ខ្នង​ប្រឡាយ​ខាងត្បូង ចំនួន ៣ ម៉ែត្រ . ខាងជើង ២ ម៉ែត្រ (​តូច​ជាង​១​ម៉ែត្រ​នៅក្នុង​កិច្ចសន្យា ខ្នង​លើ​ប្រឡាយ​ខាងត្បូង​៤​ម៉ែត្រ ខ្នង​ប្រឡាយ​ខាងជើង ៣ ម៉ែត្រ​)

​លោកស្រី ឯក សាវ៉ាត បាន​ជំទាស់ ការស្ដារ​ប្រឡាយ​នេះ​ស្ដារ​គិត​និង​ផ្ទះ​ហើយ​លុប​ស្រះ​ទឹក​ធ្វើ​អោយ​ខ្វះ​ទឹក សំណូមពរ​សុំអោយ​ស្ដារ​ប្រឡាយ​តែ​ដាក់លូ គាប់​ដី​លុប​វិញ ។​

​លោក​អភិបាលស្រុក មន្ត្រី​ជុំនាញ​ថ្នាក់ស្រុក អាជ្ញាធរ​ឃុំ ភូមិ និង​បងប្អូន​ប្រជាពលរដ្ឋ បាន​អញ្ជើញ​ចុះ​ពិនិត្យ​ដល់​ទីតាំង​ដើម្បី​ដោះស្រាយ​សម្របសម្រួល​នៅ​បញ្ហា​ខាងលើ ។​

​ជា​លទ្ធផល លោក​អភិបាលស្រុក​បាន​ឯកភាព​តាម​សំណូមពរ​បងប្អូន តែ​សុំ​អោយ​មន្ត្រី​ជំនាញ​និង​អាជ្ញាធរ​ឃុំ​ភូមិ ចុះ​វាស់វែង បោះបង្គោល​និង​បាញ់​ថ្នាំ​អោយ​បាន​ត្រឹមត្រូវ​ជៀសវាង​មាន​បញ្ហា​នៅ​ពេល​អនុវត្ត​ន៏​គម្រោង​។​

​ឆ្លៀត​ក្នុង​ឱកាស​នោះដែរ លោកនាយក​រដ្ឋបាល​ស្រុក​បាន​ផ្ដាំផ្ញើ​ដល់​បងប្អូន​យើងទាំងអស់គ្នា​មេត្តា​ចេះ​ថែរក្សា​សុខភាព អនាម័យ​អោយបាន​ល្អ​ជៀសវាង​ឆ្លង​និង​ជម្ងឺ​ផ្សេងៗ ជាពិសេស​ជំងឺ​កូវី​ត ១៩ ថ្មី ដែល​កំពុង​កើតមាន​នៅ​ប្រទេស​យើង សុំ​បងប្អូន​មេត្តា លាងដៃ​ជាមួយ​សាប៊ូ​ឬ​ជែល​និង​ទឹកអាល់កុលអោ​យ​បាន​ញឹក​ញ៉ាប់​មុន​នឹង​ពិសារ​អាហារ​សូម​អនុវត្ត​ទៅ​តាម​ការណែនាំ​របស់​ក្រសួង​សុខាភិបាល ៕